PARQUE DE XEO

PARQUE DE XEO

Estabas a esperalo e xa está aquí! A partir do 29 de novembro, o Parque de Xeo abre as súas portas na Praza Exterior de Marineda City e faino cargado de novidades.

E é que, nos seus máis de 1.400 metros cadrados de diversión para toda a familia, poderás atopar unha pista para bicis e unha rampla de esvaramento con donuts, ademais da pista de xeo natural máis grande da cidade.

Durante o período lectivo, poderás gozar desta experiencia de luns a xoves de 9 a 14 horas (só centros escolares) e de 17 a 21 horas. Os venres, o horario matinal será o mesmo mentres que pola tarde amplíase abrindo desde as 16.30 ata as 22 horas. Así, os sábados e domingos, o horario será continuo de 11 a 22 horas.

Unha vez dean comezo as vacacións de Nadal, o horario do Parque de Xeo será de luns a domingo de 11 a 22 horas. Cabe destacar que venres, sábado e vésperas de festivos haberá sesións nocturnas ata as 23 horas.

Os días 24 e 31 de decembro, o horario será de 11 a 18 horas, mentres que o 25 de decembro e o 1 de xaneiro, o parque de xeo abrirá ao público de 18 a 22 horas. O 5 de xaneiro o horario será de 11 a 22 horas. 

Máis información no teléfono: 621 30 22 82.

Nadal Desde o 29 de novembro De 11 a 22 horas Plaza Exterior 881 888 888